Transcription
1
Monsieur, messieurs de la cour, du Monestier et moy vous avons
2
bien vollu depecher Du Vent pource que lez hugueunaulx despuys
3
hier tiennent assiegé le chasteau de La Mure. Lez forces de
4
Serre y viennent et une compagnye de gens de pied questoyt à
5
Chastillon. Il y doibvent ariver aujourdhuy. Je nay encor peu
6
scavoyr quel nombre ilz sont. Nous y avons envoyé Stely
7
pour en scavoyr la verité ; et cepandant icelle atendant, vous
8
nous ferez netendre votre volenté. Je mande par la vallée de
9
Graisivodan de faire assembler des melheurs soldatz que
10
nous y pourrons treuver, lesquelz se tiendront prest au premier
11
mandement. Sil vous plaisoyt de faire commandement au cappitaine
12
La Marcousse de remonter sil est de besoing sahault
13
et par mesmes moien descripre à ceulx qui commandent les
14
compagnyes de gens de cheval comme celle de messeigneurs
15
les prince daulphin et de Savoye, comme aussy de monsieur
16
le compte de Benez, de se tenir prest au premier mandement
17
que messieurs de ladite cour leur feroient ; et moy, en
18
atendant voz commandementz, je finiray ceste par mez humbles et
19
affectionnez recommandations à votre bonne grace et prie Dieu vous
20
donner,
21
monsieur, en parfaicte santé, heureuse vie et longue. De Grenoble,
22
ce XIXe fevrier 1574.
23
Votre très humble et aubeyssant
24
servyteur Lathivolliere.